Laerskool Impala of soos dit alom bekend is - "IMPIES", is een van die spog laerskole in Kempton Park. Impies het die afgelope paar jare `n positiewe groei getoon en spog met van die beste onderwyserkorps in Kempton Park.

Impieland - Spogland is beslis die regte keuse vir ouers wat omgee vir hulle kinders.  

  • Dit is die skool waar:
  • Elke Impie `n individu is
  • Elke individu voluit kan lewe
  • Elke Impie volgens sy/haar eie potensiaal kan ontwikkel
  • Elke Impie sy Skepper ken
  • Elke Impie in sy moerdertaal onderrig word
  • Elke Impie gelukkig is
  • En waar `n oop vennootskap tussen ouers en personeel is

 

Impie Advertensie Borde

Inligting / advertensieborde by skole is ‘n opwindende metode van advertering, wat besighede die maksimum blootstelling bied, teen bekostigbare pryse. Hierdie effektiewe metode van advertering is by verskeie skole landswyd uitgetoets en beproef met uitstekende resultate.

Die voordele van hierdie advertensie medium is nie net slegs beperk tot die uitstekende plasing en posisie van die strukture nie, maar ouers, besoekers, toerspanne ens. aan die skool word op ‘n daaglikse basis blootgestel aan die advertensies. Gesien in die lig dat subsidies vanaf die Staat aan skole tot die minimum beperk is, lei dit ook tot die voortbestaan van ons kinders se opleiding.

Vanaf so min as R12.00 per dag word u besigheid blootgestel aan letterlik duisende voertuie op ‘n daaglikse basis. Vergelyke met baie ander mediums van advertering en blootstelling, is hierdie medium sekerlik die mees bekostigbaarste.

Die advertensiepanele word vervaardig van duursame chromadek. Hierdie agtergrond word gebruik om die digitale advertensie op te druk met ’n fabriekswaarborg van 3 jaar teen verbleiking. Die groottes van die advertensies is dieselfde vir estetiese aanvaarding. Die advertensiepanele word gereeld ge-inspekteur, onderhou en herstel op ons koste. Indien u sou belangstel om meer inligting te bekom aangaande die bogenoemde projek, vul gerus die onderstaande kolom in met u inligting, stuur dit vir ons terug skool en ons sal u so spoedig moontlik kontak. Let asb. daarop dat u onder geen verpligting is om die advertensie te neem indien ons u sou besoek nie.

Neem asb. kennis dat die ruimte beperk is en dat slegs ‘n sekere hoeveelheid besighede akkommodeer sal kan word. Kontak die skool asb by This email address is being protected from spambots. You need JavaScript enabled to view it. vir meer inligting. Mnr Fourie sal u na die regte persoon verwys.

 
          
          
 

  

LAERSKOOL IMPALA WAAR ONS LAG, LEEF EN DROOM IN GELOOF